کراچی کے علاقے طارق روڈ پر تیز رفتار گاڑی نے رکشے میں بیٹھی بچی کو کچل دیا جس کے نتیجے میں وہ جاں بحق ہوگئی۔
اے آر وائی نیوز کے مطابق کراچی کے علاقے طارق روڈ اللہ والی چورنگی کے پاس رکشہ گلی میں کھڑا تھا اس دوران تیز رفتار گاڑی نے اسے ٹکڑ ماری۔
رکشے میں سوار تین افراد نے چھلانگ لگا کر جان بچائی لیکن 9 سالہ بچی جنت زندگی کی بازی ہار گئی۔ بچی کے والد نے کہا کہ ڈرائیور نشے میں لگ رہا تھا، میرے ساتھ ظلم ہوا ہے انصاف فراہم کیا جائے۔
پولیس حکام کا کہنا ہے کہ ڈرائیور کو گرفتار کرکے قانونی کارروائی شروع کردی گئی ہے۔
Source